Hrdaya Se

EK ROZ POOCHHA THA TUMNEY, HAR NAZM MEIN KISKA AKS BAYAN HOTA HAI, KARTEY HO KISKA TASAWWUR , HAR LAFZ KYA KHOOB BAYAN HOTA HAI . US ROZ JAWAB THA MERA, DHUNDHALI TASVEER KHAAB MEIN EK CHEHRA, USI ROO KA AKS BAYAN HOT HAI, WAQT GUZRA DUNDHALI ROO ROO-BA-ROO HO GAYI, HAR ROZ THI WO MERE SAAMNE, NA JANA KAB HUMNAFAS SEY MAHBOOB HO GAYI, AUR BIYAABAAN SI VEERAAN ZINDAGI ROOMAANEE HO GAYI, EK ROZ SAWAL THA YE TUMHARA IMROZ TUM ISKA JAWAB HO GAYI.                                                                                         .................... Abhishek Tomar

Main to dard-e-dil kehta tha, Wo nazm suna karte they. Main to ruswaa hui mohabbat kehta tha, Wo gazal suna karte they. Intihaan to tab hogayi, Mere palkon sey girti har shabnam ki foghaan pe, Wo afreen kaha karte they.

KABHI BEKARARI TO KABHI INTEZAAR HOTA THA, KABHI INKAAR TO KABHI  IZHAAR HOTA THA, WQAT GUZRA MAUSAM BADLEY NA BADLA EHSAASON KA ALAM, FARQ SIRF ITNA JO HO RAHA ISPAAR HAI, KABHI USPAAR HOTA THA.                                                                                                                                                                                                                                  ...

Tanhai sey poocha waqt kya hai, Kaha lamhaey bhi sadi sey lagtey hai. Mohabbat sey poocha waqt kya hai, Kaha sadiyan bhi lamhon si lagti hai. Ahbaab se poocha waqt kya hai, Kaha unsey mili thi jab nazren, Waqt wahin tthahar gaya sa lagta hai.

LEHREN HALATON KA AKS, NAZM EHSASON KA AKS, AAEENA SHAKHSEEYAT KA AKS BAYAN KARTA HAI, PAR DEKHUN AB JO MAIN AAEENA TERA AKS BAYAN HOTA HAI .                                                             ……….. ABHISHEK TOMAR 

NA KHAYAL BADLA NA ALFAZ, NA KALM BADLEE NA LIKHAWAT, HAAL-E-DIL PEHLE BHI LIKHA KARTE THEY, FARQ SIRF ITNA THA HOTI THI UNMEY BIKHARE GOUHAR SI ZINDAGI, TUNEY INHEY PIRONA SIKHAA DIYA.                                                 …………………… ABHISHEK TOMAR

EK DAUR THA MUSKARAHAT,  MUSKARAHAT SE IZHAAR KARTI THI, ILZAM LAGTE THEY, SAWAL KARTI THI. AALAM AISA BADLA SAWAL TO HAI, PAR SAWALON KAA ANDAAZ BADAL GAYA. AUR HAANSI TO YUN ROOTHI, JAISE AKHIRI WAQT MEIN WO MERA SAATH CHHOD GAYA.                                                                 ……………….. ABHISHEK TOMAR

KAUN KEHTA HAI KI MAIN TANHA HUN, TANHAI HAR WAQT MERE SAATH HOTI HAI. KAUN KEHTA HAI KI MERA AYZAAZ NAHI, RUSWAI HAR WAQT MERE SAATH HOTI HAI. KAUN KEHTA HAI KI MERA HUMNAFAS NAHI, MERI PARCHHAYEE HAR WAQT MERE SAATH HOTI HAI. KAUN KEHTA HAI KI MERA RAAZDAAR NAHI, MERI HAR ROZ KHUD SE MULAKAT HOTI HAI.                                                    .......................... ABHISHEK TOMAR

WO KEHTI HAI MUJHE MOHABBAT KA NAKOI EHSAAS HAI, PAR BAYAN KARUN KAISE, KI WO KITNI MERELIYAE KHAAS HAI, DEKHTI RAHEN YE NIGAHEIN USE TAH-UMARR,  AUR BEETAIN HAR LAMHA ZINDAGI KA USME BAS YEHI AAS HAI, WO KEHTI HAI MUJHE MOHABBAT KA NAKOI EHSAAS HAI. IZHAAR KARNA AATA NAHI MUJHE HAAL-E-DIL KA, WO KEHTI HAI MOHABBAT, MEIN KEHTA HUN DASTAN -E-ZINDAGI, AUR ROOTH JAATA HAI USKE LABON KA TABASSUM, PAR BAYAN KARUN KAISE  KI INHI LABON KE TABASSUM KI IS DIL KO PYAAS HAI. WO KEHTI HAI MUJHE MOHABBAT KA NAKOI EHSAAS HAI.    TU RUTHE KARE MUJHSE AUR MAIN MANAUN YEBHI MOHABBAT KA ANDAAZ HAI, PAR YUN NA RUTHNA ISKDAR MUJHSE KE ZINDAGI RUTH JAYE, AUR CHAHKAR BHI MANA NA PAUN AISI NA MUJHE KOI AAS HAI, WO KEHTI HAI, MUJHE MOHABBAT KA NAKOI EHSAAS HAI, WO KEHTI HAI, MUJHE MOHABBAT KA NAKOI EHSAAS HAI.                                         ...

BANKAR KATIB-E-TAKDIR LIKHNE CHALA THA KISMAT TERI, SOCH THI BHARUNGA NAYE RANG,  NAE UMEED,  AUR EK NAYI TASVEER TERI. CHAHA KARE JISE TU RAAT DIN,  JO BANJAYE KHAYAL TERA, BAS JAYE ROOH MEIN, JO MUSKARAT THI USME BANJAYE  WO MUSKARAHAT TERI, BANKAR KATIB-E-TAKDIR LIKHNE CHALA THA KISMAT TERI. PAR BHUL BAITHA THA,  ILMNA THA, KI HUN MAIN EK ADNA INSAAN ,  JO BANJAUN KHUDA AUR LIKHUN LAMHA ZINDAGI KA AISI NAI HAISIYAT MERI, BANKAR KATIB-E-TAKDIR LIKHNE CHALA THA KISMAT TERI. MILE WO TUMKO JO ARZU HO,  LAUTE WO MUUSKARAHAT JO HOTON PE THI,   ADA KARE MAALIK TUMHE HISAA BHI MERA BAS YEHI DUAA MERI, AUR MAAF KARE MAULA MUJHE, HIMAKAT JO MAINE KI,  KE BANKAR KATIB-E-TAKDIR LIKHNE CHALA THA KISMAT TERI.                                                      ...

Qabr pe meri ye ashq ab zaya na kar, Ek roz kaha tha maine mohabbat ko meri yun aazmaya na kar. Ek roz tu hoga, Aur sirf mera khayaal hoga, Deeda-e-tar hongi, Lab pe izhaar-e-mohabbat hogi, Par afsos,  Supurd-e-khakh ye qais hoga, Aur fazaa mein bas ye goonj hogi. Ke, qabr pe meri ye ashq ab zaya na kar, Ek roz kaha tha maine mohabbat ko meri yun aazmaya na kar.

Sahar aur shafaq roz hoti thi, Imroz kuchh mukhtalif kyun hai ye sochta hun, Bas ek lafz khojta hun. Raah-e-zindagi ke safar khuch khaas na tha, Imroz kuchh mukhtalif kyun hai ye sochta hun, Bas ek lafz khojta hun. Yun to bay-rang sey they zindagi ke lamhey, Par aaj lamha bhi sadee kyun hai ye sochta hun, Bas ek lafz khojta hun. Bay-lagaam zindagi pe ho kisi ka ikhtiyaar, Tha aazaad parinda, par ab hona hai girftaar, Kal tak khayal tha apna,  Imroz banna hai kisi ka khayal,  Karun bayan kaise ye sochta hun, Bas ek lafz khojta hun. Haan shayad ye us roz ki hi baat thi, Haan wahin se in sawalon ki shuruwaat thi, Jis din duzdeedah-nazar dekhi thi, Us roz se yahin sochta hun, Bas ek lafz khojta hun.